Çaste poetike me poetin;-Hatip HULAJ

TAKIMI BUZË RINIT

———————————

Goni rrinte në një ulëse

buzë Rinit,

shikonte mjellmat si notonin,

sikur me një ritëm vallëzonin ,

të renditura njëra pas tjetrës kalonin.

Ai ishte fjalosur

me gruan e tij të moshuar,

që për lejeqëndrim

ishte martuar.

Ajo dyshonte për Dritën,

e përcillte natën,e përcillte ditën.

Dhe ja,ia behu Drita ,

si rreze që çan retë e zeza.

Ajo që ndriçonte,

hënës ia kalonte,

diellit konkurencë i bënte.

“Hej ,Goni, ç’ke që je hutuar?

Nuk më sheh?

Që moti jam këtu…

Mos vallë je verbuar?”

Goni Dritën e përqafoi,

dy pika loti

faqet ia përshkoi.

“Dritë ,Dritë ,të dua Drita,

na ka hetuar Frau Margarita.

Nëse nuk ndahem nga ti,

Gjermanisë një përshëndetje:

me Hasta la vista !

Por zemra ime

nëse ndahem prej teje,

do të bëhet copë e hënës,

që endet pa pushim

nëpër qiellin e huaj,

mbi lumin e Rajnës.”

/QendraPress/