Çaste poetike me poetin;-Imer HYSA

DUA

————————

Dua lulet e mbledhura kopshtit të kujtimeve

lidhur buqetë me fjongo dëshire

ti flak pas si nuse e sapo dalë nga shtëpia

dhe fati t’ia hedhë në dorë një beqaresh.

Dua që breshëri i karamele

e shiu i oriztë

të kthjellojnë qiellin e lumturisë

e të ngrohin me diell shprese.

Dua sazet dhe boritë të shkrihen një

siç shkrihen një dy shpirtra në krevatin bashkëshortor,

për të krijuar zhurmë e rrëmujë fëmijësh,

si gugatje pëllumbash në oborr.

/QendraPress.com/