Çaste poetike me poetin -Rexhë F. MORINA

ATYRE

———————-

Atyre që besuan agun e dritës së bardhë,

Jeta u fali emër njerëzor për udhë të mbarë.

Këngët e gëzimit me hov të rritës së lastarit,

Po kurrë njollën e ndyrë me nofkën e zuzarit.

Atyre që ecën drejt rrezeve të ngrohta diellore,

Jeta u mësoi hapin e hedhjes të valles arbërore.

Harenë e festës së madhe,për kohën e pakryer,

Po kurrë damkën e fëlliqur me ofiqin i përlyer.

Atyre që ndritën errësirën me flakën e zjarrit,

Jeta u dha fuqi hyjnore si kreshnikëve të malit.

Ngazëllim zemre,që ndalen stuhinë e vrastarit,

Po kurrë pikën e zezë me epitetin e tradhtarit.

/wwww.qendrapress.com/