Çaste poetike me poetin;- Rexhep F. MORINA 

SHPIRTIN S’IA THYEJNË

———————————

Kancelarive të Evropës po hidhen zaret diplomatike,

T’vegjlit grindavec të binden me mjete demokratike.

Sa mos të ngrihen e bërtasin për shtypje e padrejtësi,

Me marifete mashtrimesh, t’u merret dhe ajo pak liri.

Kjo taktikë e vjetër, njihet qysh herët si guri i provës,

Që të shtatë fuqitë evropiane, ligësitë ia bënë Kosovës.

E copëtuan në shtatë pjesë, edhe po aq fise ia zhduken,

Harruan se rrënjët e lashta, si të lisave kurrë s’këputën.

Shqiptarët kanë rrënjë gjaku në tërë hapësirën arbërore,

Nën shkëmbinj e nën dhe, kudo në gjeografinë tokësore.

Kurrizit egërsisht i rëndon pesha e shfrytëzimit modern,

Populli ynë do t’i përballoj, shpirtin e tij dot s’ia thyejnë.

/QendraPress/