Çaste poetike me poetin;- Rexhep HALIMI

PARA PËRMENDORES

(Nënës time )

————————

Yjet në qiell sa ndriçojnë

Fytyrën tënde vizatojnë

Malli pas për ty më nget

Nëna ime të shoh në portret

Flluska të borës në sytë e mi

Me lot faqes më janë përzi

Pak u çmalla unë me ty

Në mermer fytyra buzëqeshur rri

Emri yt gdhendur në gur

Të puth faqet sikur nur

Qesh i vogël u bëra burrë

Fjalët tua s’ti harroj kurrë

Nënë ime a s’më thua

Flas me Ty e flas me mua

Gjithë ç’më the unë s’kam harruar

Amanetin ta kam jetësuar !…

/QendraPress.com/