Çaste poetike me poetin:-Rifat ISMAILI

E KUQJA E JETËS

—————————-

I kuq si një semafor

që të detyron të ndalesh.

Ashtu është edhe jeta jonë:

kudo semaforë të kuq

që të ndalojnë gjithçka,

madje edhe të marrësh frymë,

që të bllokojnë mendimet,

të mos mendosh,

të mos ëndërrosh.

I kuq si vendimi

i një arbitri të korruptuar,

në fushën e futbollit,

që pavarësisht përpjekjeve të tua,

anullon çdo sakrificë,

duke të bërë të humbësh.

I kuq si gjaku yt

në ezofagun e një mushkonje,

që rrotullohet rreth botës

me gjakun tënd si karburant.

I kuq flakërues si zjarri,

që mat plagët e tua,

shton dhimbjet e tua,

zhgënjimet e tua,

dhe ti bëhesh gjithnjë e më i vogël,

duke u zvogëluar.

I kuq si një perëndim dielli

që djeg horizontin,

ndërsa ëndrrat shuhen

dhe rilindin në heshtje

/QendraPress/