Çaste poetike me poetin; -Sahit F. OSMANI
NJË NDJESI PARESHTUR M’I KËRKON THESARET
—————————————————–
Marr penën në dorë të shkruaj diçka,
Fletëza e bardhë si shkretëtira e etur
E heshtur pret t’i jap ndonjë mesazh
Shkronjat viktimë e ndjesisë së zemrës.
Më sëmbon sekreti intim brenda vetes
S’i shpreh dot ndjenjat, artificiale më duken
Shkronjat gërmojnë, derdhen e nguliten
Ngulmimi për të shkruar e jetëson kujtesën.
Gjurmëve që shërbejnë s’mund t’iu shpëtoj
Realiteti mbetet viktimë e damkosur
Injoranca helmon me gjuhën dhelparake
E një ndjesi pareshtur m’i kërkon thesaret!
