Çaste poetike me poetin;-Skender BERISHA

EDHE NJË HERË

————————–

Po ngritem në këmbë

Edhe një herë

Edhe një

Për ta shqelmuar këtë tmerr

Ky tmerr që më herr

Më merr

E më merr

E dija që atëherë

Kur thonit se po vjen

Po vjen prej Podrime

Sikur në këngë-sheqer

Po ngritem në këmbë

Krejt plagë stolisur

Shpirt zalisur

Arave të mia

Për lavër tjetër

Jam nisur o të krisur

Mjer ju po më dolët para

Nëpër lavra

Po ngjitem shpatit tim të zbrazur

Të mbjell ç’është tharë

Moti t’mos shkojë kot

Ta heq këtë tërskot

Po ngritem sa më mbajnë këmbët

Para diellit

E pres i lodhur në Rrezinë

Një shpërthim për bukurimë

18 mars 2026

/QendraPress/