Çaste poetike me poetin;Avdyl ZENELI
ENDERRA VJESHTE !
Ora u ndryshua , u shtua edhe nata
Më shumë errësirë e dritë me pak
Mëngjeset e sjellin më vonë zgjimin
Agimin vjeshtor , të grinjtë e të lagshtë
Thellohet gjumi në zemrën e natës
Mbi çatitjegulltat shiu i’a merr këngës
Mes orëerrëtave , pa orar takimesh
Më hyn në sy , në shpirtin e ëndrrës
Ora u ndryshua , errësira dhe drite
Ditën mungon , netëve shfaqesh e qesh
Më ledhaton ëmbël me përralla dashurie
Mëngjesit më braktis , e dhimbja hesht !
/www.QendraPress.com/
