Çaste poetike me poetin;Çerkin BYTYÇI

ËNDËRRAT E GJUMIT TIM

—————————–

Kukulla ime që e kam xhan

mbi qepalla e mirëpriti gjumin,

shotave që nga loja dremitën

në dhomë, ëndrra ua solli lumin.

Biçikleta sa e lumtur është

më në fund edhe ajo po pushon,

e libri që kërkon të ç‘lodhet

vetëm edhe pak rreshta m’i dhuron.

E ndiej se sytë e mi të molisur

fluturat e kanjushat i ftojnë,

me këpucët e lodhura sa unë

drejt dritës së hënës t’fluturojnë.

Shsht! Tash ëndërroni edhe ju,

që ëndërrat ëmbëlsisht të prijnë,

dhe me ëndrrat e gjumit tim

edhe të lodrave varg e vi të vijnë.

Të përbashkët një ëndërr e kemi

t’ngjitemi pemës që fruta na dhuronë,

dije e mësim që ta duam njëri-tjetrin

që paqen secili vetes t‘ia forcon.

(çerkin bytyçi)

/www.QendraPress.com/