Çaste poetike me poetin;Gëzim AJGERAJ
KUJTIMET
——————————-
Aromës së kujtimeve bredhin ëndrrat
Kodrave të Vërrinit kah rriten lisat
Luleve të pranverës këndojnë këngë
Për ardhjet e bardha që sì kishim
Në klasën e parë pashë ofshamën e babait
Dhe diellin e nxënë përmbi
Dhe barbarin që ja preu udhën
Fëmijërisë sime
Dhe ortiqet i pashë me bubullimë
Kah iknin me barbarin e veriut,
Buzëve të babait e pashë buzëqeshjen
Hijeve e lisave e flladita mallin
Aromën e lirë ja njoha
Arave plotë lulëkuqe
Dhe jehonës së fërshëllimës në lugina
Po ruhej ëndrra fëmijërore
Që u rritë me lisat e fjalës sime
Si lulëkuqe në grunore
Ta zbukurojë një ditë
Me melhemin e fjalës
Shtatin tënd
Vërrini i vogëlisë sime
10 gusht 2003, Zvicër
www.QendraPress.com/
