Çaste poetike me poetin;Gëzim AJGERAJ

Besa e maleve

————————-

Në litarin e fjalës e lidhën mendimin

Fjalën e Zotit ia ngurtësuan betimit

Pastaj s’ u dëgjua krismë, as fjalë, as dhunë

Qetësia ra në mes dhe koha dhe heshtja

Asgjë e ligë s’ i ndodhi as mortit e as varreve

Gurrat e zemërimit pushuan dhe hasmëria

Mbi gurin e paqes shtang qetësia

Duart e krimit shtangën tek shtegu i fjalës

Pritat s’ gjetën vend as kaçubat, as gurët

Ai që i pari këputi litarin e fjalës

Mbeti i pabesë për jetë të jetëve ndër gjaqe /www.QendraPress.com