Çaste poetike me poetin;Hamit TAKA

PORTRETI I NENES SIME

—————————————-

Nëna ime është zanë me huqe –

Nëpër shtëpi këndon si harabeli.

Valë – valë leshrat mbi supe,

Gërshetin shpleksur gjer te beli;

Nëna ime shtëpiaka prore,

Laj e shpëlaj, pleks e shpleks.

Si mbretëreshë e bletëve punëtore

Në mjaltë e kthen çdo gjë që prek.

Veç fjalë zemre ajo pëshpërit.

Për ata tinguj gjithçka unë lë:

Magjia e saj më hyn në shpirt

Dhe vargjet nis un’ bashkë me të.

Nëna ime, perëndesh’ e heshtur

Me buzën e bukur qesh e qaj-

Herë si bora në majën e zhveshur,

Herë si trëndafil në maj….

/www.QendraPress.com/