Çaste poetike me poetin;Hazir LUTA
ENGJËJT S’JANË TË LIRË
————————————-
Në njërën faqe u putha
Në tjetrën faqe derdha lot
Ah, kjo botë
Botë…
Fillim i mirë
Fund i keq
Engjëjt s’janë të lirë
Për dreq
& & &
NËSE ËSHTË E SHKRUAR…
Ti më kërkoje në qiellin e errët
Unë i humbur në galaktikën e jetës
Ndezur mbaja llambën
Me fitilin e shpresës
Për të të parë
Qoftë edhe për të fundit herë
Në pragun e pranverës
Aty ku nis jeta
Aty ku rikthehet ëndrra
Jeton në bebëzat e syve
Të përmalluar
Duke pirë lotët e pendimit
Për faj të gabimit të ferrave
Pse duhet të mos çelin lulet
Nata e mashtron ditën
Në sy të perëndimit
Por dita jonë zbardh prapë
Prapë çelin lulet e vonuara
Prapë ndizen buzëqeshjet e shuara
Nëse është e shkruar në jetë
Prapë fati e puth fatin e vet
Hazir Luta
/www.QendraPress.com/
