Çaste poetike me poetin;Ismail SYLA
FILL E FUND… NËN TRYSNI
———————————————-
U përfunduan të gjitha brinjët e Adamit
Për shëmbëllima tjera, sipas Perëndisë
Tepër vonë për të gjetur organe të reja
Nga të Prometeut, të dala prej mëlçisë.
Askund nuk gjenden ventilatorë çlirues
Për kokën e njeriut që vlon nga djersitja
Siç zien mbi zjarr tenxherja me presion
Zemra njerëzore rrezikohet nga pëlcitja
Ndaj njeriu, qenie e përkryer në vetvete
Nuk është BMW serike, X shtatë a tetë
Ankthet, ndrydhjet, frikrat dhe tundimet
Vetiu ia rrisin shqisën e nëntë, të dhjetë
Njeriu i kurdisur së pari me pesë shqisa
Fillim dhe mbarim, gjithmonë nën trysni
Nuk mund të gjejë pjesë në japan parts
As të kthehet tek Adami, mbrapa, në gji
/www.QendraPress.com/
