Çaste poetike me poetin:Llesh GOKA

E BUKURA PAS PEMËS

—————————————

E bukura pas pemës

fërgëllon me cirka drite,

bëhet udhë e flirtit mëkatar,

statujë epshore, e gjallë që lëviz.

Kohë pas kohe shfaqja e saj koketë

bën të rrotullohen kokat e maskuara,

e atyre që ranë në një fushë magnetike,

teptisur ndjenjash,

marrosur pas kurmeve.

Herë pas here,

trarët e mëdhenj të ndalimit

po ndalin furinë e luanëve që mësyjnë,

por jo brofin e gjakut

që dashuria si lumë e shtyn.

Të gjithë qofshin në falje

gjer në ekstazën e tyre të fundit.

E bukura pas pemës

po djeg një pyll…

/www.QendraPress.com/