Çaste poetike me poetin:Rudi BERISHA

FLAS ME TY E ZËRIN NUK TA DËGJOJ

(Ukshin Hoti)

1.

Flas me ty e zërin nuk ta dëgjoj

Të shikoja fotografinë që shumë vite

T ‘i lexoja fjalët prej kohësh i ndritur

Ukshin Hoti dijetar i kombit shqiptar

Jeni në mesin e atyre që çdo ditë flasin për ty

Por të paditurit të errësuan rrugën tuaj o mik

Të lidhën më litar nga urrejtja e madhe ndaj teje

Sot harruan fjalët më të ndritura tuat o nderi ynë

Të shikoja fytyrën i shqetësuar o Ukshin Hoti

Pse rrini mbi ato male i heshtur nëpër vite o mik

Kur ju jeni dritë- dielli deri në qiellin e kaltër

Pse nuk të kërkojnë këta të lidhur me zinxhirë

2.

Kur ishe në tokën që të tjerët e robëruan me padituri

Të kishin frikë fjalët tua filozofike (politike) në kohë

Të shtruan rrugën me gjemba disa shqip-folës

U munduan të zbehin fjalët tua për Republikë

Fjala jote është lindur në kohë kur kërkohej e vërteta

Ju folët në kohë kur tjerët kishin frikë nga vet-vetja

Ju me zgjuarsi morët dituri aty ku bëhet demokracia

I rritur që nga vegjëlia për të lënë vepra të mëdha o trim

Ju ngritët zërin kur disa heshtën dhe kishin frikë nga hija

Atëbotë ngritët zërin të ribashkonte tokën Shqipëria

Na mësuat si duhet themeluar Ushtria për luftë për Liri

Pse heshtin këta horra nuk të kërkojnë Ukshin Hoti ty

3.

Ju jeni shqiponjë në flamurin kombëtar kuq e zi

Të kujtojmë me mall idealin tuaj të ngritur për Liri

Sakrifikuat jetën për nder të popullit tonë shqiptar

Sot disa liderë tanë janë bërë më të këqinj se korbat e zinj

Ukshin Hoti më thuaj sot një fjalë ku je o Profesor

Nga t’ia filloj të kërkoj unë i mjeri poet letërshkruesi

Nuk kam forcë për të gjetur ku të kanë mbyllur ata horra

Por do të shkruaj deri në vdekje sa do t’më punojë dora

Ukshi Hoti unë kam forcën e lapsit që më dha Zoti

Kam forcën e shpirtit që mora nga forca e shpirtit tënd

Kam shikimin e syve shpatë që të qëlloj armiqtë e kombit

Ku je Profesor Ukshin Hoti se një ditë do largohet dëbora

4.

Fjalët janë të vogla që të shkruaj për ty mik i fjalës

Unë jam rritur në dritën e gjysmë – ndriçuar në kohë

Jam akoma i vogël që të shkruaj për ty Profesor i dijes

Por shpirti më shtyn të qëndis kurorën mbi kokën tënde

Të ju them jeni medaljon në ndriçimin e hënës është pak

Të them që keni marrë ngrohtësinë e diellit të lindur nga ty

Kjo është prapë pak për një shpirt ndezur si ishe ti Ukshin

Por më ndriçimin e këtyre dy bukurive ju rrezatoi vetë Zoti

Çka do që them është fjalë e hedhur në një oqean për ty

Do shkruaj fjalën që e kam obligim moral dhe kombëtar

Do e nisë kalërimin në rrugëtimin për të kërkuar o pishtar

Profesor Ukshin Hoti më fal nuk kam forcë që të vi të të marr

………………..

Rudi Berisha

Prishtinë, 18 qershor 2024

/www.QendrePress.com/