Çaste poetike me poetin:Seti Pezaku VLADI

STATUJA TË KOHËS

———————————

Nuk janë silueta pemësh

derdhur trotuareve,

as mite legjendash

dalë nga amforat.

Statuja janë

të kohës moderne,

ndryshe nga ato të muzeut

me krahë të thyer, që zakonisht

statujave u mungojnë.

Si degë lisash përkulur nga era

kërrusur mbi bishta lopatash,

rijnë në pritje me duar të kryqëzuar,

asnjë zot nuk i afron punë.

Duken sikur vijnë nga muzgu

i këmbadoras së pritjes,

durim i përçdoditshëm

që dridhet nga padurimi.

Herë-herë

rrëmojnë nëpër xhepat e shqyer

premtime të tradhtuara endacake.

Janë dhembje patologjike e salduar,

vargje baladash rrugëve,

bubullimë reje e ngarkuar

nën kopertina të trëndafilta.

@seti pezaku vladi

/www.QendraPress.com/