Çaste poetike me poetin;Vilson CULAJ
MËKATËT “ TUA JANË NË FYTYRA ENGJEJSH
—————————————————————–
Grua e Urisë…
Duaje pa frikë Davidin mbret
Ti marr hua kohës
Të lutët një shekull për ty
Mëkatet tua të pabëra
Do ti shkruaj në fytyra Engjëjsh
Dhe hapat e tij..
Është kohë paganësh kohë kultësh
Kohë e përmbysur
Për ata qe kanë liri shpirti
Lugina e vdekjes nuk do profet
As shërues plagësh …
Etjet tona i shuajnë me lopata zjarri
Demonët që nuk dinë çka janë dashuritë e paprekura
As tharmi i ekzistencës shpirtërore të një Ruthe besnike …
Shto zjarrin në mendjen tendë
Dhe askujt mos ja trego shtegun tënd plot dritë
Ringjallja të mbetet mister Hyjnor
Si petku i një Murgu si yjësitë
Se aty ky fryma merr hua nga qielli
Bijtë e errësirës vajtojnë të vdekurit
Pije Kelkun tënd Sarë Biblike
Se:
Dashuria nuk është vazo ku mblidhen lotët
As perëndim i diellit në plagën e rinisë
Dashuria është koha e pavdekshme
Fillim i amshuar e pambarim i ri
Ik nga vetmia përjeto harrimin
Mbillu e etur në fjalën lumturi
Për ty jeta do të ndërtoj ura e udhëkryqe shprese
E ngadhënjyera në Psalm të ri
Për flakën tendë qielli do ngryset
Mbi çatinë tendë do bie shi
Kur të ikësh nga kurthi i mohimit
Do fluturosh në stuhi…
Janë varfëruar mbretërit e urtisë
Janë molisur urrejtësit në dashuri
Në fytyrë Engjëjsh do i shkruaj mëkatet tua grua …
E dehura për liri
