Çaste poetike të së dielës me poeten:Shpresa ZURNAÇI    

FYTYRA E SATANAIT

Fytyrës së fqinjit

përtej gardhi

çdo ditë

ia çjerr maskën

e ia shoh

fytyrën e satanait

prapa makijazhit engjëllit

E shoh çuditshëm

nën maskën engjëllore

përpara sharlatanëve

të Evropës

fytyrën e gjarprit

të zi

nga Kalamegdani

Se si e shoh

të tjetërsuar dinakërisht

plot makijazh politik

bishën e veriut të zi

dhe nis e bërtas

me veten

po ku e ka fshehur satanizmin

bisha kobzezë

që m’i mbushi kodrat me varre

e iku përtej gardhi

Është fytyra e bishës

mos ia besoni engjëllin

/www.qendrapress.com/