Çaste të së dieles me:Sabit Rrustemi
Nata kot i errë udhët
shtigjet kah katrithen hapat tanë
sytë
dhe atë hapësirë
ku prehen qeniet tona
e nxiros kot
Me një prekje të lehtë
në ç’ kohë të duam
kah njëri – tjetri nisemi
Kodet përmendsh i dijmë
Hyjmë e shprushim
organet tona i ndezim
e zbresim thellë fundeve të errta
duke i pritur agujt
Sa nis t’i bëj kopje ëndrrat
të zjarrtat dëshira
më shfaqet e sysh s’ më hiqet
buzëqeshja jote
Ajo shndëritje qiellore
nuk vizatohet
vetëm përjetohet
e shijohet me fund
Brenda Teje jetoj e shkrihem
njëjtë si Ti
shtresave të zemrës sime
Nata kot vjen e i errë udhët
kujtesa jonë për asnjë çast nuk fle
( 19 tetor 2014 – 19 tetor 2020)
