Dhembje e poezi nga ;Qazim Thaçi- Ku na mbeten këngët e ku na mbet shpirti?

Ku na mbeten këngët e ku na mbet shpirti?

————————————————————

Ku na mbeten gjithë ato kujtime, nga kjo kohë  e pakohë.

Duke kujtuar mbretreshën Teutë, në Risanin e Adriatikut.

Të konsultohet historia për kaq shumë vdekje,në kohë murtaje.

Mallin deri tek Molla kuqe, e Shadërvanin e Prizrenit me barë mbuluar.

                            &  &  &

Kafkat e hershme të bartura në Bushtricë si amanet nga Bekim Fehmiu.

Për zërin e madh të Fitnete Rexhës,bubullimë te Shkëmbi i Kavajës.

Me rapsodin Dervish Shaqa,kur ta kthyem Kosovë shpinën e lamë borë e gjetëm dimër.

Po kaq shumë  dhembje na shkruan; Gëzimi,nga Aplet ,Skenda e Qerimi nga Evropa.

                          &    &   &

E si ta kalojmë këtë dhembje shpirti për ata që  sa shumë i deshëm.

E të gjallë mbetem vetëm me frymë e mall për të vdekurit.

As kënga, e as historia nuk na regjistron me këtë pandemi.

Kosova është malli, kënga e shpirti, dhe vetë amaneti i bartur si dëshmi.