E diela e 7 poezive dhe 7 poeteve: Violeta KADRIU

NËSE KE VENDOSUR

———————————

Nëse ke vendosur me më vra,

vramë lirisht me plumb,

oh,vetëm mos më vraj prapë me synë hata,

se më djeg për së gjalli e më bën shkrumb!

Barem kufoma ime le të mbetet e paprekur,

e mos të hetohet se përbrenda është plotësisht e djegur!

Nëse ke vendosur të më dënosh,

torturom lirisht me kamxhik,

oh,vetëm me trupin selvi të padhuruar,mos,

se gjithmonë të kam dashur si të dashur e kurrë si mik!

Torturimi me kamxhik më i lehtë do të jetë,

shpejt mbyllen plagët, nuk zgjasin me vjet!

Nëse ke vendosur të më fusësh të gjallë nën dhe,

kryeje këtë akt shpejt e pastaj më mbyt,

por,mos lejo t’ i shoh e mos t’ i shijoj syté e tu rrufe,

që sa herë i shoh,nga epshi ma ndalin frymën në fyt!

Se, edhe ashtu pa ty fryma po mé ndalet,

kur po i ndiej bilbilat e po i shoh t’ bleruara malet!

Nëse e ke ndërmend të më tradhtosh,

ik dikund shumë larg,ku nuk do té mund të té shohé më,

ku s’ do të mund ta di se tjetrës po i thurë serenada varg- varg,

se nuk do të kem forcë të qaj me lotë e pa zë!

Se, më me dëshirë do e pranoja vdekjen,sesa tradhtinë,

se ku fle me shpatë skaj koke tradhtia,

s’ lë vend për dashurinë! VIOLETA KADRIU, 22 tetor 2022 Podujevë