E diela e 7 poezive dhe 7 poeteve:Fatime Kalimashi

SONTE…

——————–

Sonte

Dua ta mbyll vargun me të vetmen fjalë

Për njëri-tjetrin sa shumë kemi mall

Kemi shumë mall se shihemi rrallë

Sonte

Do e mbyll vargun me dy fjali

Një për sytë e tu një për sytë e mi

Njëra mallëngjim e tjetra dashuri

Sonte

Po e mbyll vargun me pak fjalë

Ne po plakemi dalëngadalë

Jetuam jetën si në përrallë

Sonte

Unë po e mbyll vargun në poezi

Ti mbylli buzët mbi sytë e mi

Mallin ta shuajmë me dashuri

Sonte

Jemi vetëm unë dhe ti

Mbylli sytë hesht në qetësi

Lexo ç’të thash në poezi

FK