E diela E diela poetike me poetin:Sahit Osmani

DRITA TË BËHET MBUROJA IME

————————————————-

Më zgjoi dita me një shtrëngim drite

të më çlironte shpirtin nga terri i natës

t’i flakte ëndrrat që më kallinin datën

si bar shërues qetësonte mendimet

S’ka gjë më të mërzitshme se robërimi

është natë mynxyre me plot trishtim

hije mashtruese vazhdimisht të sfilitin

dhe mbetesh i burgosur që pret lirinë

Një dorë rrezesh noton drejt meje

kapërcen të pamundurën mes dallgësh

që errësira të shndrrohet në rreze

dhe drita të bëhet mburoja ime