E diela me penën e artë të shkrimtarit ;Gëzim Ajgeraj.
MUGË
——-
Moteve tona verbësi e vrazhdë i fryn frymëzimit
deri kur kjo natë mbi koka kokon mallkim
na i rri si një mjegullnajë shkëlqimit të diellit
nga majat e bajraqeve na rrjedh rrëshirë e mugë
zhgënjimet ikin larg i madhi di a kthehen më
hapu diell shprese se na verbove në këto anë
mbi lashtësinë tonë dikush krrokamën s’e ndal
me sopatën e harrimit na i bie palcës së kombit
e me verbëri mashtrimi tundojnë te sheshi me thundra
Zot-ynë ç`bisht të gjatë paska e liga
a në mos deri në palcë na ka hyrë verbëria
e s`jemi në gjendje ta gjejmë vetë rrezen e dritës
Eh kjo verbëri e etjes ç`na i krimbi bajraqet
e valëviten verbërisht përmbi kokat tona
