E diela me poeten ;Vlora Rexhaj Morina
Pa ty!
———-
Sytë burgosin shikimin
Përtej diellit
Brenda bebëzave
Copëtohen ngjyrat
e ëndërrave Pa ty !
Ajri thith aromën
E tharë
Mbetur nën shtratin
E marrëzisë
Pa ty !
Heshtja kafshon
Buzët e djegura
Natën memece
Shkrihej qiriu
Në tavolinën e qelqtë
Pa ty!
Bashkë me copëzat e shpirtit tim
Mbesin shenjat e pluhurosura
Murëve të vetëmuara
Të Dashurisë!
