E diela me poeten:Fatime Kalimashi

FJALA

______________________

Fjala ndërton njeriun dhe jetën

Fjala udhëzon botën dhe shëndetin

Fjala lumturon shpirtin dhe zemrën

Fjala sundon trupin dhe ndjenjën

Fjala ngjall shpresën dhe mendjen

Fjala sundon botën dhe njeriun

Fjala shkrinë akullin si flaka qiriun

ASAJ

(Mikes sime

Shepresa Zurnaci

Ajo që dhimbjen e ndan me të gjithë

Pa dallim moshe e gjini

Ajo që zemrën ta rrëmben

Nga fjala saj me modesti

Ajo që gëzimin tënd e ndjen në shpirt

Me shpirtin e saj prej kristali

Me zemrën si bora e bardhë

Dashuri të sinqertë gjithnjë të fal

Ajo që mallin e shpreh në letër

Në çdo varg e poezi

Ajo që jeton me mallin e vjetër

Me ëndrrën e saj plot mirësi

Po kush tjetër e kupton shpirtin e saj

Që vuajtjen e kthen në lumturi

Mallin e vendlindjes e ruan në gji

Jeton me nostalgji për atdhedashuri

Asaj që shpirti iu dogj nga malli

Nuk harroi rrënjët që është shqiptare

Ajo që me trup të akullt jeton në fole

Me shpirt e zemër frymon për Atdhe