E diela me poetin;Faruk Tasholli

KRISMA E FJALËS

(Për heroin e kombit, Ismet Asllanin)

    &  &  &

Si të këndoj këngë për ty këtë pranverë?

Kur ti këngës me afsh ia the vetëm një herë!

Nuk e di kur ti fole?! Ishte ai fund apo nismë?

Fjalën nuk e hodhe fjalë, por e bëre krismë!

Të kërkoj e nuk të zë me sy fushave, Dardanisë;

Je Ares, Akil a Hektor në pellgun e Ilirisë?!

Derisa shpirti të rrinë anës së ndritshme të diellit,

Krisma e fjalës sate peshon e nuk bie prej qiellit!