E diela me shkrimtarin;Faruk Tasholli

BARKAÇOKU PARTIAK

(Vargje satirike)

I paqenë cok i pabërë

Pas të ndjek një jetë të tërë,

Kudo vete të thotë mik

Barkaçoku tru politik!

E përzë prapë e ke pas

Ti e tall – ai buzagaz,

Kur shtron sofrën të vjen vrik

Barkaçoku sy politik!

Sa për post dy gram pushtet

Flakë e zjarr për goje qet,

Çka i del para i bie fshisë

Nga delir i madhështisë.

Veç një pune i del hakut

N’bisht të kryepartiakut,

Matrapaz, rrenc e tinëzak-

Barkaçoku partiak!

Në emër të shqiptarisë

Kryemjeshtër i hajnisë,

Bie e votën kërkon prapë

Barkaçoku partiak!

Kur një herë i vjen vera

Herokisht gjuhet n‘tendera,

„Si taraku i Zhegofcit

Kur bie n’lakna t’Radivojcit!“*)

_______________

*)- Radivojci, fshat i Anamoravës, kultivues tradicional i lakrave.

Edhe kjo urti krahasuese popullore vjen nga ajo trevë