E diela poetike me 7 poezi e 7 poete:Valbona KOLAVERI

Lakmitarët

———————————-

I harkohem vetes

të shoh të pjerrëtat e mia

që shkojnë e vijnë

horizontesh

brënda të pabindurave

Ku rrathët e inateve

janë ngatërruar keq

Dua të degdisem larg

Në tempuj ku falen zemra

të shkoj e largët

e të vij e mallët

të behem e bukur

aty ku puthet buzēqeshja

Të gjej rrafshe të paqëta

e të vendos këndëdrejtë

pingul dashurinë

E pastaj

le t’mos ketë punë me mua

askush

Le t’ma thyejnë aurën

krenarinë

Le t’mi gjejnë dështimet

e t’më qesëndijnë

me sy që nxijnë

Le t’mi prishin të gjitha

këndet e rrotullimit

me botën

Paqen me veten s’ua lë

U fal dimensionin e harrimit

lakmitarëve.