E diela poetike me penën brilante të shkrimtarit:Gëzim Ajgeraj
DRITHËRIMË
————————–
Si në ëndrra me sy të hapur
parakalon njerëzimi
secili nga një shpresë të thyer
se në mos e nesërmja
do të shkruhet si një betejë e humbur
a në mos është sosur risku
Jetë fantazmash
pa përqafime e dashuri
pa mikun shokun njeriun e zemrës
larg sa më larg
me largësinë e kufizuar në mes
përpëlitet gjeni njerëzor
mes jetës e vdekjes
Mugëtira e ankthshme
s’ndalet me krimin
tek numëron kokat
dhe si pemës në degë
ia vjedh një nga një
pamëshirshëm
E tmerrshme
kjo armatë e padukshme
kovidiane
Zvicër, mars 2021
