E diela poetike me penën e të madhit :Ismail Kadare
Koha e pamjaftueshme
Ismail Kadare
S’kam kohë të harroj shumë gjëra
Që nga mendja ti nxjerr përjetë.
Për tragjikët e vjetër e shkreptimat
Do t’më duhen së paku dy vjet.
Dhe ndoshta po aq për Danten,
Për frengjishten toke me plazhet po aq,
Ndoshta gratë do të jem duke fshirë
Kur muzgu do te afrohet ndërkaq.
Si udhëtari me peshë të tepërt
Para avionit që niset pas pak
I ngarkuar rëndshëm ende
Do t’afrohem tek varri humbak.
Nga supet si ta heq këtë barrë?
Ku ta hedh këtë peshë, si?
Me të s’mund të zbres atje poshtë
Por as lart dot s’e lë kurrsesi.
I menduar gjer në çast të fundit
Nga mosthënia, nga pengu tragjik,
Një shenjë ndoshta të pakuptueshme
Do t’ju bëj të gjithëve e do ik.