E diela poetike me poeten ;Ana TISI

Vargje zemre!

Deti përkund brigjeve,mijëra shkumë e valë

Unë për ty e bukur, po shkruaj mijëra fjalë

E i kthej në vargje, prozë e poezi

Nuk e di e dashur, cilën pëlqen ti?!

Janë vargje zemre, shkruar me dashuri

Janë shkruar me shpirt, për mua dhe ty.

Se nga dashuria , zuri fill dhe bota

U krijuan dy zemra, imja dhe e jotja.

&   &  &

Flutura të lira!

——————————

Janë disa flutura të vogla

që ishin në gjumë të fjetura,

po zgjohen të përgjumura,

duan të ngrenë krahët,

të fluturojnë,

por janë të trembura.

Kanë frikë nga e panjohura,

ndaj herë ngrenë krahët

e herë tulaten rreth shpirtit prapë,

ende nuk ka çel dita e begatë

të fluturojnë të lira!

/qendrapress.com/