E diela poetike me poeten;-Anila TOTO

DETIT TIM

—————–

Aty, thellë, në blu dua të zhytem

E dua atë det!

Edhe nëse shihni që po mbytem

mos u alarmoni… por, lërmëni të qetë.

Do nis revanshin me vaj ahengu

E mos u çuditni që s’ua dua ndihmën

Kam zërin e detit se jam vajzë bregu

E blu e kam klithmën.

Oh…

Ku ta çoj detin që mbaj në shpirt

Kaq herë e bëra valë e nuk niset

E kam frike vetminë nëse më ik’

Nëse më rri rrezikoj mbytjen.

Të tretem deshiroj nëpër thellësi

E ta prek detin aty, thellë në zemër

E çfarë është parajsa para tij

Kur të jem edhe dallgë, sirenë a femër?!

Buzëdetit. .. mërmëris me valën si valët

Ajo s’më pranon e më quan të marrë

Sikur të më dëgjonte shpirtin e jo fjalët

A të kish këmbë e në breg të dalë.

Ajo…

Do të çmendej nga madhështia jote

Ajo s’do ti besonte as dritës sa ty

Si kurrë më parë e verbër mbi botë

Do të zgjidhte dy rreze për dy sy.

Pa kur zë dielli e ulet mbi det

Siç pret Penelopa, Odisenë e vetë

Bie një paqe e mbyt një shkëlqim

E nis vetë natyra të mashtrojë njerinë.

Edhe kur natyra ka paqe e dashuri

Gulçon shpirti i detit.. acar e stuhi!

Prandaj…

Aty…Thellë, në blu dua të zhytem

E dua atë det.

Edhe nëse shihni që po mbytem

Mos u alarmoni.. por, lërnani të qetë!

/www.qendrapress,com/