E diela poetike me poeten brilante:Rudina Muharremi Beja
![](https://qendrapress.com/wp-content/uploads/2022/02/21106630_1832641840085527_6807759841610678253_n.jpg)
MËSHIROMË ME DASHURI
———————————-
Lutem në Zot,
Atij që frymën ma fali,
ka ca mot!
Mëshiromë…!
Lëromë nga prangat e kësaj jete,
që n’padrejtësi, çdo ditë më ndjell…
Një botë e rremë, më tërheq zvarrë…
ku askush s’doli, veç se i vrarë
Dhe prap s’kuptojmë…
Vrapojmë…,
pa ndalur kurrë, t’falenderojmë…
Më fal, O Zot!
Për egon, që s’e ngopim dot…
Për pleq e t’mjerë që anës rrugës, shteren n’lot!
Për jetimët,
që një dorë të ngrohtë
kurrë s’e kan rrok,
Tek unë, përleshem me sfidë të rradhës,
e qahem kot!
Më fal, O Zot!
Thellë m’ka kaplu pendimi im!
Asgjë nuk marrim nga kjo botë…
Mëshirë kërkoj…!
Bëje të drejtë rrugëtimin tim!