E diela poetike me poeten: Ganimete Jakupi Demiri,

SHPIRTI NUK PLAKET…

—————————————-

Sa herë shtegtoj rrugëve pambarim,

Gjej kthesa, drejtëza në tatëpjeta, përpjetëza,

Ahhh, shpirti saherë më ofshanë,

Edhe dhimbjet brenda vetes I mban!

Sa shumë rrudhat ma kanë mbuluar ballin,

Nga kjo jetë ke dhe hallin,

Flokët thinja më janë mbushur,

Edhe fiziku me moshën më është tkurrur…

E shoh veten në pasqyrë ndryshim drastik,

Sa ka ndryshuar kjo fytyrë!…

Mendoj me vete po shpirti çfarë bën?!

Ai digjet I tërë një fjalë pa e thënë!

Shpirti asnjëherë nuk plaket,

Lakmon botën dhe jetëgjatësinë,

Çdo gjë mundohet ta shijoj sa më mirë,

Të ketë ditë të bardha e jo errësirë.

Thonë se shpirti asnjëherë nuk vdesë,

Edhe kur trupin ta ketë mbuluar dheu,

Shpirti do të ikë në botën e amshuar,

Nga qielli do të lutet për të gjallët të mos vuajnë!