E diela poetike me poeten ;Lule Alidema

Dialog me mikun poet

———————————-

Miku:

Përshëndetje oj mike

Hape më atë telefon

Sa e sa herë ju thërras

Mos më plas aman

Unë:

Prit o miku im

Çfarë është ky nxitim

Ju lajmërohem pas pak

Sapo mbaroj me gatim

Miku:

Po lëre o mike

Është bisedë me rëndësi

Lëre aman atë gatim

Nuk është punë për ty

Unë:

Prit pak të lutem

Nuk u bë kiameti

Më duhet gatuaj

Fëmijët nuk presin

Miku:

Jo o mikja ime

Mos ta dëgjoj këtë që thua

Ty nuk të shoh amvise

E as grua që gatuan

Unë:

Nuk e dini miku im

Sa shumë shijon gatimi im

Ta provosh çka unë gatuaj

Gishtat do i kishe kafshuar

Miku:

Jo, jo nuk të shoh në ato punë

Sepse kohën aty e humbë

Përsa ty ndalesh e gatuan

Poezinë më të bukur e shkruan.

Unë:

Më fal miku im

Këtu e keni gabim

Njeriu i aftë gjitha i arrinë

Edhe shkruan edhe kujdeset për shtëpinë

Teksa punët tjera unë i bëj

Poezinë në mendje e përpunoj

Edhe shkruaj edhe gatuaj

Asnjëra tjetrën pa e penguar

Jam intelektuale nuk e mohoj

Ama ushqimin e shëndetshëm e preferoj

Pa gatuar nuk bën asesi

Aty ku shtrohet tryezë gruaje

Asaj i thuhet shtëpi!

Lule Alidema

26.12.2021