E diela poetike me poeten ;-Mercdes GEGA

Sigurisht

————————–

Sigurisht do të lindin ditë

Mëngjese, mbrëmje dhe si këto…

Dhe diell do të ketë

Dhe hënë e yje

Të tjera stinë e të tjerë mote.

Do të vijnë, do të vijnë netë të gjata

Pa dritë, pa gjumë

E pritje plotë.

Ëndrra do të thuren me fije lëmshi

Që dikush shthuri nën vrap e lotë.

Do të çelin lulet, bari do të rritet,

Gruri në ara sërish do të vallëzojë,

Do të piqen ftonjtë e portokallet

Si bora malet do të përqafoj…

Do të njohë bota sërish, pafund,

Njerëz që vijnë e thonë: “Të dua!”,

Por kurrë një zemër të ndarë në dy,

Të dashuroj si ti e unë! /www.qendrapress.com