E diela poetike me poeten Mimoza Gjetaj

SI DIKUR..

Sa momente kaluam në shtratin e ëndrrave

mbuluar ndjesive të shpresës

..ti dhe unë ..si dikur

Me dashurinë që i premtuam njëri- tjetrit

Të mbetur varur lakuriqësisë së shpirtit

Rrugët tona na bashkuan vetëm ëndrrave

Aty ku askush nuk mund të na shoh

Të na prekë, të na përjetojë, as të na xhelozojë

Më thuaj ..

Si ta quaj ketë ndjenjë

Zhveshur nga myshku i çmendurisë

Në shtratin e ëndrrave që përsëriten pa fund

rrëmuja ndjek hap pas hapi epshet e pa frenuara

Duamë dhe përqafëm si atëherë

Pa brengen e përgojimeve

Zbrit pa frikë

Dëshirave të lëna mbi çarçafët qull

Nga shiu i ëmbël i ndjenjave…

Eh ..edhe një natë

Edhe një natë duamë, si ajo e fundit

Ku marrëzitë të prekin fundin

E pastaj ..pastaj në sy të botës

Të shëtisë lakuriq dashuria…

Unë dhe ti !

të përshëndetemi si dy kalimtarë të huaj

Me dëshirat lënë aty në shtratin e pafajësisë…