E diela poetike me poeten :Zaide Noka
Paskam dashuruar bukur!
———————————–
Letrat e dashurisë sime
Të zverdhura ne kohë
Grafikisht ruajnë fjalët
Shkruar me ngjyra shpirti.
Tjetër formë,tjetër semantikë
Qenkan pëllumba,melodi,
Flutura,lule gjithfarëllojesh,
Ylber me diell dhe shi…
Paskam dashuruar bukur!
E zhytur në to
Shfletoj mendjen
Shkruar me ngjyra shpirti.
Paskam dashuruar bukur!
Dashuria ime
Oaz në mes të botës,
Pasqyrë blu
Përreth qetësi humbjeje…
Zemra çelet në to
Si studente e letërsisë
Huazuar paskam lirizëm lasgushian
Gëte,Pol Elyar,Pablo Neruda…
Eh,sa emra paskam
Bërë pronë të shpirtit tim!
Edhe një rruge,kalasë,një parku
I paskam vënë emrin e dashurisë sime.
Paskam dashuruar bukur,
Dashuria ime.
zn 26.01.2022