E diela poetike me poeten:Fatime Kalimashi
KUJDES ME FJALËT
Fjalët e bukura janë si gurët e çmuar
Gjithçka në jetë për të ndërtuar
Mund ta ndërtoni gjithë ardhmërinë
Por mund ta prishni edhe lumturinë
Fjalët e ëmbla janë ilaç për shpirtin
Ilaç për plagët e zemrës së copëtuar
Mund t’i përdorim sa herë mërzitemi
Dhe në raste kur ndihemi të harruar
Fjalët janë thesar pasurie
Jo çdo kush mund t’i posedojë
Se veç me fjalë prej dashurie
Kudo që shkoni shtëpi ndërtoni
Andaj perdorni fjalë të ëmbla
Me fjalë ndërtoni bukurinë e jetës
Fjalët e bukura janë gurë të çmuar
Kujdes mos thyeni atë që keni ndërtuar
FK
1. 11. 2020