E Diela poetike me poeten:Ildije Xhemali

NUK NDJEHEM MIRË

————————–

Nuk ndjehem mirë

Kur mundohem të kujtoj

Fytyrën e babait larguar herët nga kjo botë.

Por ndjehem mirë

Kur kujtoj nënën që, se dëgjova një herë të thotë:

“Sa fatkeqe në jetë qeshë, o Zot!”

Nuk ndjehem mirë

Për ca ëndrra të lëna, të vyshkura

Të thara e të braktisura.

Nuk ndjehem mirë

Për ca biseda të pabëra, përgjysëm të lëna

Për ca gëzime të pashijuara

Për ca plagë të padukura

Thellë shpirtit marrë.

Më besoni, nuk ndjehem mirë.

Nuk ndjehem mirë

Kur kokën kthej pas

Dhe plagët e pathara i trazoj, i ngas

Për të mos hapur plagë të reja.

Nuk ndjehem mirë

Për një fjalë, pa vend thënë

Për një gur shtrmbët vënë.

Nuk ndjhem mirë

Për një lule lulëzimin ndërprerë

Për një bisk padrejtësisht prerë

Për një familje të përçarë

Per një çift të ndarë.

Për një lot të shkarë.

Më besoni

Aspak nuk djehem mirë. __________________________