E diela poetike me poetin ;Faruk Tasholli
NGUL E SHKUL
E KAP E SHKAP
————————————–
Ngul e shkul flamuj në shtylla
Ngjit e hiq fotografi,
Sa vjet të duhen shteti im
Shkollë fillore ti me kry‘?
Herë me flamuj partiakë
Herë me flamuj krahinorë,
Kap e shkap o shteti im,
Po të turrën me t’pasë n’dorë.
Te ti vijmë trima tin‘zakë
Me çekiq e me qyski,
Me ta shnukë nji gur për veti
Me ta çelë nji gropë në gji!
Mbaj vesh fort ti shteti im
Për ty këndojmë ditë e nat‘
Du’m të hymë në pronë publike
Me heronjtë tanë privat!
Ne të parët jemi n’botë
Me thy besë me shkelë Kanun,
Festojmë vdekjen e presidentit
Me pushkë n’dorë: bam e bum!
Ne festojmë e nuk ndalemi
Teksa njersët na shkojnë çurg,
Kur luftëtari i lirisë
Del nga burgu e hyn në burg!
Ne përditë tjegulla shkulim
Vetë për veten aty ku rrimë,
Me vesh n’krah presim çka bahet
Sa n‘Irak sa n’Palestinë!
Ne krenar e vazhdojmë lojën
Ngul e shkul e kap e shkap,
Me rrah gjoksin pwr merita
S’njohim soj as sorollap!
