E diela poetike me poetin ;Sabit Rrustemi

GRISHËZA E BUKUR E JETËS SIME

————————————–

– Variant final –

Merimanga kohësh

akrepat e orës i kanë mbuluar

as në të Dymbëdhjetën e natës

nuk i sheh të puthitura

Sytë më mbetën të mbërthyer

n’atë pjesë të murit

ku heshtje e gurtë mbretëron

Shpresa ime e shqetësuar

mes pulseve të zemrës

dhe tik-takeve të saja frymon

Nën lëkurë Çepuri

një flutur që m’i trazon ndjenjat

ndoshta më ka ëndërrue

Grishëza e bukur e jetës sime

një ditë çfarë e desha

patjetër ka me e zgjua

( 14 janar 2022 ) ______________________________________