E diela poetike me poetin ;Tyran Prizren Spahiu
Aristokrati i QYTETIT!
————————–
Ti, që kërkon drejtësi
shkruan vargje e poezi
ti, që ëndrrat i përjetëson
mbjell farën e lirisë
dashuri në letër sërish kërkon
ti, që endesh bulevardeve
veshur si në mesjetë
kokën kurrë nuk e ul zyreve
ballë i bën stuhisë.
*
Ti, që krenarinë nuk e mposht
lapsin e thyer përsëri përdor
çdo mëngjes të shohë
kafe duke pirë
para cigaret dhe shtypi i djeshëm
vendos në karrigë xhaketën
pakëz e shqyer me fleta shkronjash.
*
Ti, që del nga libraria me libër të blerë
ledhaton shkronjat e bukur
vazhdon me filxhanin gjysmë të zbrazët
gllënjkën e fundit shijon si nektarin e natyrës
ndez cigaren, shtëllungjet sulmojnë
kolli të mundon, ngritesh ballëlartë
ti, që nuk dorëzohesh zyreve vendosës
anashkalon qeveritarët
partive nuk vardisesh
ti, që përkulesh Dëshmorëve
shpirti të kjan për Pagjeturit
ti, qe prore rri me nevojtarët
bashkëbisedon me pastrehët, ti, poet nder i kombit je, pararoja vet
mohikani i fundit, ti, Bohem i Qytetit Shqiptar…