E diela poetike me poetin;Arbër DRITONI
LËRMËNI TË QETË
——————————
Në boshllëk mendimesh
po zhbëhem e tretem në mënyrë “elegante”
pa kurrfarë dëshmitari
të shoh “vdekjen” time
Nuk di ç’mjeshtri të përdor
që t’i vras harresën dhe anonimitetin
mëtoj t’mos shëmtoj kujtimin
për ditët e shkronjëbërjes
kur merresha me krijimtari letrare
dhe i thurja elegji mëmëdheut
plot mall, nostalgji e dashuri
gojëligët i kënaqen katandisjes sime
në vorbullën e harresës dhe mjerimit
thashethemet gumëzhijnë kuloareve
duke më përbaltur me lloj-lloj etiketimesh
por unë s’ua varri veshin idiotëve
flej i qetë në botën e vetmisë sime
O gojëligë
qepne atë gojë plot llafazanëri
lërmëni të qetë
në botën e vetëharresës sime
që të gurëzohem me këngë dhe poezi
/www.QendraPress.com/
