E diela poetike me poetin:Namik Selmani

Kështu jam unë

—————————–

Kështu jam unë

nuk dua të bëhem kurrë kameleon pa ngjyrë

Kështu jam unë

në çdo shtegtim në tokë eci bash si hyjnesha

Askënd

nuk qëlloj me gurë e nuk e pështyj në fytyrë

e nuk trembem

nga prangat e ndryshkura e nga gjembat në ferra

E dua botën

si këngë që këndohet pafund ditëve dhe netëve

e dya botën

në krah të zotit e jo të harbutëve të përjetshëm

O, sa keq!

Një ditë ata kameleonë të japin buzëqeshje

e një ditë

të ngulin thikën pas shpinë si Jago pas perdes

O njerëz

që mbillni lotin e hidhur si gjak që pikon në udhë

që sillni

tingullin e trishtuar në veshë , në zemër e në fletë

Po jeta ime

është si hëna apo dielli sydritë në furtunë

e jastëku

më bëhet si trëndafil që s’vyshk petalet asnjëherë

1 gusht 2015