E diela poetike me poetin:Nijazi Kastrati

VAJZË XHELOZE E TEKANJOZE

——————————————————

Thuaje moj të lutem

Përse je xheloze

Përse të ngriten nervat

Përse je aq nervoze?

Po e përshëndet djali

Ndonjë shoqe të vjeter

Ti menjiherë aludon

Në një miqësi tjetër.

Duhet ta keshë në mëndje

Se me shoqërinë e tij

Së bashku janë rritur

Që nga fëmijëri.

Në mëdyshje djali

Shoqet ti përshëndes

Sepse ti do bëhesh

E gjitha hundë e vesh.

Bëhesh aq nervoze

Të skuqet fytyra

Për të shprehur mëllefin

Nuk di të gjesh mënyra.

Ecjen kur e bën

Si trokëllimë kali

Herë je tekanjoze

Me rrebe gomari.

Merri gjërat shtruar

Qetësoi nervat tua

Dashurinë një herë djali

Ty ta ka dhurua!