E diela poetike me poetin;Sahit F. Osmani
ÇELI DITA ME RREZE TË THYERA
——————————————
Çeli dita me rreze të thyera
ngricë e kohës s’mundi t’i lakonte
nga syri diellor kulluan lotët
mbi lulet e sapoçelura pranverore
Bora që ngrinte mbi petale
hapte plagë siç hap një plumb i zi
dhimbjen e tyre e shfaqnin lulet
me plagët e petaleve në gji
Dhe sytë mbusheshin me trishtim
për rrezet e thyera nga ngricat
për rrezet qē s’mundën t’i lakonin
por i thyen duke i gjakosur lulet
